“İnformasiya Texnologiyaları Akademiyası” layihəsi çərçivəsində yeni təlimlər gerçəkləşir. Bu dəfə isə təlimlər Qobustan və Hacıqabulda keçirilir.
Qobustanda keçirilən təlimlərin açılış mərasimi 8 fevral 2010-cu ildə Qobustan Rayonu 2 saylı məktəbin akt zalında baş tutmuşdur. Mərasimdə Qobustan Rayonu İcra Hakimiyyətinin şöbə müdiri Rəşad Hüseynov, Qobustan Rayonu Gənclər və İdman idarəsinin rəisi Babək Albabayev və “İrəli”nin nümayəndəsi Xəqani Fərəcov iştirak etmişlər.
Hacıqabulda keçirilən təlimlərin açılış mərasimi isə Hacıqabul Rayonu 8 saylı orta məktəbin akt zalında baş tutmuşdur. Mərasimdə Hacıqabul Rayonu İcra Hakimiyyəti başçısının müavini İlham Talıbov, Hacıqabul Rayon İcra Hakimiyyətinin şöbəsinin müdiri İmaməddin İmanov, Hacıqabul Rayonu Gənclər və İdman idarəsinin rəisi Saleh Ələsgərov və “İrəli”nin nümayəndəsi İmam Quliyev iştirak etmişlər.
