“İnformasiya Texnologiyaları Akademiyası” layihəsi çərçivəsində yeni təlimlər gerçəkləşir. Bu dəfə isə təlimlər Salyan və Neftçalada keçirilir.
Salyanda keçirilən təlimlərin açılış mərasimi 14 Dekabr 2009-cu il tarixində, saat 9:00-da Salyan Rayonu 7 saylı məktəb - liseyin akt zalında baş tutmuşdur. Mərasimdə Salyan Rayonu İcra Hakimiyyəti başçısının müavini Rəşad Cəbrayılov, Salyan Rayonu Təhsil Şöbəsinin müdiri Ələsgər Mehdiyev, Salyan Rayonu Gənclər və İdman idarəsinin rəis müavini Bilаl Əkbərov və “İrəli”nin nümayəndəsi Xəqani Fərəcov iştirak etmişlər.
Neftçalada keçirilən təlimlərin açılış mərasimi isə 14 Dekabr 2009-cu il tarixində, saat 9:00-da Neftçala Rayonu 1 saylı orta məktəbin akt zalında baş tutmuşdur. Mərasimdə Neftçala Rayonu Gənclər və İdman İdarəsinin rəisi Yalçın Miriyev, Neftçala Rayonu İcra Hakimiyyətinin İctimai Şöbəsinin müdiri Anar Cəfərov, Neftçala Rayonu Təhsil Şöbəsinin müdiri Əjdər Kərimov və “İRƏLİ”nin nümayəndəsi İmam Quliyev iştirak etmişlər .
Salyanda keçirilən təlimlərdə 135 nəfər, Neftçalada isə 133 nəfər qeydiyyatdan keçmişdir.
Qeyd edək ki, layihənin partnyorları “İRƏLİ” İctimai Birliyi, Gənclər və İdman Nazirliyi, Rabitə və İnformasiya Texnologiyaları Nazirliyi, “HP” şirkəti , “Microsoft” şirkəti, “Bestcomp” şirkəti, “Yumroo” portalı, «1News» İnformasiya Agentliyi, «Day.az» İnformasiya Agentliyidir.
