“İnformasiya Texnologiyaları Akademiyası” layihəsi çərçivəsində yeni təlimlər gerçəkləşir. Bu dəfə isə təlimlər Kürdəmir vı Zərdabda keçirilir.
Kürdəmirdə keçirilən təlimlərin açılış mərasimi 30 Noyabr 2009-cu il tarixində, saat 9:00-da Kürdəmir Rayonu 6 saylı orta məktəbin akt zalında baş tutmuşdur. Mərasimdə Kürdəmir Rayonu İcra Hakimiyyəti başçısının müavini Əbülfət Mikayılov, Kürdəmir Rayonu Təhsil Şöbəsinin məsləhətçisi Xəqani Qurbanov və “İnformasiya Texnologiyaları Akademiyası” layihəsinin rəhbəri Rauf Mərdiyev iştirak etmişlər.
Zərdabda keçirilən təlimlərin açılış mərasimi isə 30 Noyabr 2009-cu il tarixində, saat 9:00-da Zərdab Rayonu Gənclər və İdman İdarəsinin akt zalında baş tutmuşdur. Mərasimdə Zərdab Rayonu İcra Hakimiyyəti başçısının müavinləri Allahverdi Səfərov və Rəhman Feyzullayev, Zərdab Rayonu Təhsil şöbəsinin müdir müavini Elşad Kərimov, Zərdab Rayonu Gənclər və İdman İdarəsinin rəisi İlkin Əliyev və “İRƏLİ”nin nümayəndəsi Xəqani Fərəcov iştirak etmişlər .
Kürdəmirdə keçirilən təlimlərdə 135 nəfər, Zərdabda isə 136 nəfər qeydiyyatdan keçmişdir. Qeyd edək ki, layihənin partnyorları “İRƏLİ” İctimai Birliyi, Gənclər və İdman Nazirliyi, Rabitə və İnformasiya Texnologiyaları Nazirliyi, “HP” şirkəti , “Microsoft” şirkəti, “Bestcomp” şirkəti, “Yumroo” portalı, «1News» İnformasiya Agentliyi, «Day.az» İnformasiya Agentliyidir.
