“İnformasiya Texnologiyaları Akademiyası” layihəsi çərçivəsində yeni təlimlər gerçəkləşir. Bu dəfə isə təlimlər Beyləqan və Ağcabədidə keçirilir.
16 noyabr 2009-cu il tarixində Beyləqanda keçirilən təlimlərin açılış mərasimində Beyləqan Rayonu İcra Hakimiyyəti Başçısının müavini Rəisə İsgəndərova, Beyləqan Rayonu Təhsil Şöbəsinin müdiri Tofiq Sadıqov, Beyləqan Rayonu Gənclər və İdman İdarəsinin rəisi Sənan Quliyev və “İRƏLİ” nümayəndəsi İmam Quliyev iştirak etmişlər.
Ağcabədidə keçirilən təlimlərin açılış mərasimi 16 noyabr 2009-cu il saat 09:00-da başlamışdır. Açılış mərasimində Ağcabədi Rayonu İcra Hakimiyyəti Başçısının müavini Əbülfət Tapdıqov, Ağcabədi Rayonu Gənclər və İdman İdarəsinin rəisi Rüfət Quliyev, Ağcabədi Rayonu Təhsil Şöbəsinin müdiri Mehdi Əhmədov və “İRƏLİ” nümayəndəsi Xəqani Fərəcov iştirak etmişlər.
Beyləqanda 100, Ağcabədidə isə 138 nəfər iştirakçı qeydiyyatdan keçmişdir.
Qeyd edək ki, layihənin partnyorları “İRƏLİ” İctimai Birliyi, Gənclər və İdman Nazirliyi, Rabitə və İnformasiya Texnologiyaları Nazirliyi, “HP” şirkəti , “Microsoft” şirkəti, “Bestcomp” şirkəti, “Yumroo” portalı, «1News» İnformasiya Agentliyi, «Day.az» İnformasiya Agentliyidir.
