“İnformasiya Texnologiyaları Akademiyası” layihəsi çərçivəsində yeni təlimlər gerçəkləşir. Bu dəfə isə təlimlər Lənkəran və Astarada keçirilir.
Lənkərandada keçirilən təlimlərin açılış mərasimi 12 Oktyabr 2009-cu il tarixində, saat 9:00-da Lənkəran Rayonu 6 saylı orta məktəbin akt zalında baş tutmuşdur. Mərasimdə Lənkəran Rayonu İcra Hakimiyyəti başçısının müavini Möhbət Babayev, Lənkəran Rayonu Gənclər və İdman İdarəsinin rəisi Yalçın Əhmədov və “İnformasiya Texnologiyaları Akademiyası” layihəsinin rəhbəri Rauf Mərdiyev iştirak etmişlər.
Astarada keçirilən təlimlərin açılış mərasimi isə 12 Oktyabr 2009-cu il tarixində, saat 9:00-da Astara Rayonu Pedoqoji Texnikumunun akt zalında baş tutmuşdur. Mərasimdə Astara Rayonu İcra Hakimiyyəti nümayəndəsi Azər Abdullayev, Astara Rayonu Gənclər və İdman İdarəsinin rəisi Ərçə Əliyev və “İRƏLİ”nin nümayəndəsi İmam Quliyev iştirak etmişlər .
Qeyd edək ki, layihənin partnyorları “İRƏLİ” İctimai Birliyi, Gənclər və İdman Nazirliyi, Rabitə və İnformasiya Texnologiyaları Nazirliyi, “HP” şirkəti , “Microsoft” şirkəti, “Bestcomp” şirkəti, “Yumroo” portalı, «1News» İnformasiya Agentliyi, «Day.az» İnformasiya Agentliyidir.
