“İnformasiya Texnologiyaları Akademiyası” layihəsi çərçivəsində yeni təlimlər gerçəkləşir. Bu dəfə isə təlimlər Sabirabad və Saatlıda keçirilir.
Sabirabadda keçirilən təlimlərin açılış mərasimi 25 Yanvar 2010-cu il tarixində, saat 9:00-da Sabirabad Rayonu 2 saylı məktəbin akt zalında baş tutmuşdur. Mərasimdə Sabirabad Rayonu İcra Hakimiyyəti başçısının müavini Şahnaz Babayeva, Sabirabad Rayonu Gənclər və İdman idarəsinin rəisi Nadir Quliyev, Sabirabad Rayonu Təhsil Şöbəsinin müdiri Məleykə Həsədova və “İrəli”nin nümayəndəsi Xəqani Fərəcov iştirak etmişlər.
Saatlıda keçirilən təlimlərin açılış mərasimi isə 25 Yanvar 2010-cu il tarixində, saat 9:00-da Saatlı Rayonu Mədəniyyət Sarayının akt zalında baş tutmuşdur. Mərasimdə Saatlı Rayonu İcra Hakimiyyəti başçısının müavini Reyhan Ocaqova, Saatlı Rayon İcra Hakimiyyətinin aparıcı məsləhətçisi Natavan İmanzadə, Saatlı Rayonu Təhsil Şöbəsinin müdiri Şamil Nurəliyev iştirak etmişlər və “İrəli”nin nümayəndəsi İmam Quliyev iştirak etmişlər.
Sabirabadda keçirilən təlimlərdə 140 nəfər, Saatlıda isə 135 nəfər qeydiyyatdan keçmişdir.
Qeyd edək ki, layihənin partnyorları “İRƏLİ” İctimai Birliyi, Gənclər və İdman Nazirliyi, Rabitə və İnformasiya Texnologiyaları Nazirliyi, “HP” şirkəti , “Microsoft” şirkəti, “Bestcomp” şirkəti, “Yumroo” portalı, «1News» İnformasiya Agentliyi, «Day.az» İnformasiya Agentliyidir.
